【購物報告】2015年10月瘋狂購物：名創優品之男生篇

上次講左女生篇，今次到男生篇啦！

點解會話係男生篇呢？

係因為都係電子用品XD

1.超穩固360度手機架

$15/個

真係超穩固！我扯佢都唔會移動，而且仲要係360度！

2.手機架

$20/個
呢個超好用！佢可以完美咁固定在一個位置，不過就要大力啲先調整到佢的位置。
呢個已經係我買的第二個啦！

真係超中意呢到的商品，因為真係又平又好用，仲可以滿足我呢個購物狂，因為可以買好多都唔會太心痛XD

＊以上分享的商品純自費

Blog：http://pigdevil.blogspot.hk/
ulifestyle：http://blog.ulifestyle.com.hk/blogger/pigdevil/
seewide：http://www.seewide.com/space.php?uid=1774
email：threeidiotpig@gmail.com

【電玩】Game of Dice

有留意開running man的都應該知道，佢地最近代言左一個遊戲(除左在石和哈哈，因為佢地已代言另一個遊戲)，佢就係Game of Dice啦！

佢係一個以大富翁為主題的遊戲，當中仲可以用技能卡去幫助自己，仲可以同朋友組隊「打低」對手！

初初玩都唔知道係running man成員代言的，玩玩下睇到running man fan page先知，所以就更沉迷啦XD

首先，開場！

絶對係男女都中意的畫風呢！

呢個係入到去的畫面，中間的是你所用的角色同骰子。因為而家係萬聖節，成個畫面都好有萬聖節的氣氛呢～

遊戲畫面。以我所知，如果你設定的國家唔同，地圖都會有所不同。

呢個係團體模式，你的角色會係右下角，而紅／藍隊係隨機的，當然隊友都係隨機。

睇下XD我搞到人地得返27萬！

角色畫面。愈高lv角色技能會愈高，能有效幫助你去到好的地方！

骰子的畫面。個人覺得骰子係重要的一環！愈好的骰子就會愈lucky。話說我未換骰子之前，一直都走到國稅局…

技能卡畫面。都係一樣，愈高lv能力就愈高。但請睇清楚，因為有啲卡唔一定係保障你自己！

另外，唔需要太擔心，由於呢個遊戲有好多因素可以左右到你的輸贏，而且佢仲送好多野XD例如：圖中的每日簽到、活動等…

真係好好玩，我已經燒左幾個朋友一齊玩，大家都上癮了XD

唔講咁多啦！大家親身試下就知道佢的魅力！難怪running man也代言XD

Blog：http://pigdevil.blogspot.hk/
ulifestyle：http://blog.ulifestyle.com.hk/blogger/pigdevil/
seewide：http://www.seewide.com/space.php?uid=1774
email：threeidiotpig@gmail.com

【購物報告】2015年10月瘋狂購物：淘寶之戒指篇

繼續我的購物之旅XD

今次黎到淘寶，相信大家都唔陌生，甚至有好多朋友都比我更熟識，不過我都要分享下！

呢間係天貓店，比我感覺無咁伏，但對比起其他的淘寶店佢的確係貴啲，質量也不過不失，相信用心啲搵，應該會有更好。

※按標題可以直接到該商品網頁哦！

1.個性四件套戒指

$9.25/1 set 

佢有銀同金色選擇，free size，我手指係算粗的人黎，四隻有兩隻都只可以戴在無名指及尾指，我對呢點有啲失望… (對不起，係我手指粗…

圖中最左邊果隻同佢網上的圖係明顯唔同，網上的圓形有大有小細，但實物只同一個大細…

2.簡單交叉戒指

$5.25/隻

實物同網上的圖無分別，不過…真係太太太…細啦！我只可以戴在尾指…明明網圖可以戴在食指的…唉！

3.幼環戒指

$6.46/1 set

呢1 set係我最滿意的，雖然個size都係細，但因為佢戴在關節位係靚的！所以就算佢細，都可以帶在其他地方，唔會有咩外觀的問題出現。

4.金銀色戒指

$8.34/1 set  (其實佢有3隻，有一隻比我放左落下圖…)

呢個因為可以調整大細，所以可放任何手指，不過外觀就…如果唔調整，又係只可以戴尾指。

5.贈品

條手錬係贈品，而隻戒指係上面果set戒指的其中之一，我唔小心放左佢係贈品到…

整體黎講就係「細」，建議手指粗的朋友都留意一下，最好就選擇一啲可以睇到/選擇size的戒指。

＊以上分享的商品純自費

Blog：http://pigdevil.blogspot.hk/
ulifestyle：http://blog.ulifestyle.com.hk/blogger/pigdevil/
seewide：http://www.seewide.com/space.php?uid=1774
email：threeidiotpig@gmail.com

【購物報告】2015年10月瘋狂購物：名創優品之女生篇

由於我在10月真係買得太多了，所以分左幾篇黎介紹XD

首先是名創優品，牌品聲稱是日本快時尚設計師品牌，但不得不說佢的logo真的好似UNIQLO和無印良品...

不過這對我黎講都不重要，重要的係佢的商品！

1.髮圈

$10/對。

質量唔差，而且束起頭髮係結實的！兔耳果到入面有鐵線，可以固定佢的位置，另外款色容易配搭，仲有種日本鄰居女孩的感覺。

2.紙膠帶

 

$15/1 set。

1 set有10種色，紙膠帶係近期較流行的裝飾文具，但一般都比較貴，例如$10先得1小卷，所以見佢$15有10個就買黎玩下。

但佢的黏力不太好，需要大力按壓才能固定在物件上，所以想買就要考慮清楚！

3.公仔

$25/隻。

身為一個女仔，好正常地會中意可愛的野XD

見佢唔貴，摸落又舒服，就買左！

接住落黎仲會有其他的購物報告，請大家多多留意哦！

＊以上分享的商品純自費

Blog：http://pigdevil.blogspot.hk/

ulifestyle：http://blog.ulifestyle.com.hk/blogger/pigdevil/

seewide：http://www.seewide.com/space.php?uid=1774

email：threeidiotpig@gmail.com

分享～我的指甲繪圖

之前講到Etude House LED gel 甲機，可以睇返我之前的介紹。

今次係想分享下我自己所繪畫的圖案<3

由於係之前影落的，已經無曬備份，只能係社交網站上面拎返，所以會有啲蒙，敬請原諒！

Blog：http://pigdevil.blogspot.hk/
ulifestyle：http://blog.ulifestyle.com.hk/blogger/pigdevil/
email：threeidiotpig@gmail.com

【購物報告】Etude House LED gel 甲機

之前Etude House推出左一部LED gel 甲機，立刻令我呢個熱愛指甲繪圖的人產生興趣<3

我愛指甲繪圖，但由於指甲油等候時間長，而且唔可以隨便修改圖案，所以一直都想買一部LED的gel甲機，但決定唔到買咩牌子，佢的出現正正解決左的困難XD

以上是Etude House的介紹，而在介紹中呢個gel甲機係手足都可以用，但我就無試過gel腳...只可以講gel手係真係好方便又快！

由於佢的指甲油係1set，唔可以獨立選擇顏色，真係有啲可惜..

而我選擇左Enamelting Gel Nail Basic Set 9，係因為它係唯一一個有白色的set！

呢個gel甲set不但方便又快捷，更可以自己繪圖，岩曬啲無咩時間但又想美甲的人！

雖然只有固定的顏色可以選擇，但由於呢個gel唔接觸LED燈係唔會凝固，所以可以自己調色後使用，而且唔滿意繪圖可以用紙巾抺走後重新繪畫。

但如果指甲較簿的人建議唔好太頻繁去使用，因為好傷指甲！

＊以上分享的商品純自費

Blog：http://pigdevil.blogspot.hk/
ulifestyle：http://blog.ulifestyle.com.hk/blogger/pigdevil/
email：threeidiotpig@gmail.com

【遊玩】賽馬會創意藝術中心

賽馬會創意藝術中心，前身係「山寨廠」，於2008年開幕，以自負盈虧及非牟利機構的模式運作。

係一個多元化和對外開放的藝術村兼藝術中心，歡迎大眾於開放時間內自由參觀。

而有關展覽或者活動可以睇返我上個blog「香港國際攝影節文化藝墟 2015」。

除左展覽和活動，當中仲有好多不同的特色小商店，有好多野食和精品！

不過我地太早到(大約十點左右)，加上可能藝術家一般都唔太早起身，所以好多商店都未開門XD

所以建議大家唔好太早去...

但週日想行下又唔想用錢，呢到都係一個好的選擇呢！

Blog：http://pigdevil.blogspot.hk/
ulifestyle：http://blog.ulifestyle.com.hk/blogger/pigdevil/
email：threeidiotpig@gmail.com

【遊玩】香港國際攝影節文化藝墟 2015

由於學校課程的需要，老師帶左我地去呢個位於石硤尾的「香港國際攝影節文化藝墟 2015」參觀

來提升我地對攝影的興趣和技巧，對日後的功課或作品更有幫助。

而當中有不同主題的展覽，其中三個重點展覽包括：

馬格蘭攝影社《我自拍故我在！》

場內有Elliott Erwitt、Bruce Gilden、Philippe Halsman 及 Martin Parr等多位著名攝影師的 56 張精選作品。

當中有不少以黑白為主色調，令作品有種神秘的感覺。

而令我最深刻是Elliott Erwitt大師多幅以狗和人為主體的作品，可能自己本身都有養狗，所以有種親切的感覺。

生態協會作品展《自然話語》

以大自然為題材，拍攝出一幅幅有如置身大自然的作品。

其中名為「繁星流動」的區域，作品是以天上星星為主體，可以感受到同平時我地置身石屎森林的天空唔同的景象，很美呢！

《境遇之間》六個女性藝術家以攝影書寫的香港故事

由六位女性藝術家：林慧潔 (Lam Wai Kit)、劉衛 (Lau Wai)、羅玉梅 (Law Yuk Mui)、盧婉雯 (Yvonne Lo Yuen Man)、王禾璧 (Wong Wo Bik)、姚妙麗 (Joe Yiu Miu Lai)所攝影的作品，以女性獨有的情感世界攝影出香港故事。

由於時間的關係，我並無參觀此展覽，所以不便多講。

除左呢三個重點展覽，仲有四個小型的展覽：

《竹戲》

《菲‧嘗‧黑白》

《積積木積積》

《在地-成形》

另外，仲有兩個重點節目：

香港中古相機市場

MANFROTTO 攝影器材全體驗產品示範攤位

令大家對攝影文化更有認識。

地址：

香港九龍石硤尾白田街30號賽馬會創意藝術中心

費用：全免

時間：2015年10月3日至25日

※以上個人的感受分享並不代表攝影師的本意，對藝術作品的感覺因人而異，如有興趣請大家到現場參觀，並多支持香港的文化！

※資料及圖片來源：http://www.hkipf.org.hk/fest/2015/

Blog：http://pigdevil.blogspot.hk/
ulifestyle：http://blog.ulifestyle.com.hk/blogger/pigdevil/
email：threeidiotpig@gmail.com